Ondarearen Europako Jardunaldien
25. edizio honetan
Ondare arkitektonikoa izango da leloa.

Bizkaiko Foru Aldundiak koordinatzen ditu
Jardunaldiak eta helburua da
ondarea zaintzearen, hedatzearen
eta gozatzearen alde egitea,
egungo parte-hartzeko
modu inklusibo batekin.

Urtero Jardunaldiek ondarearekin zerikusia duen
gai berri bat lantzen dute.
Horri esker ondarea eta haren eboluzioa
ezagutu daiteke hainbat ikuspuntutatik.

Aurten, Ondarearen Europako Jardunaldien
egitarauan doako 250 jarduera
baino gehiago egingo dira
Bizkaiko 76 udalerritan.
Arkitektura izango da protagonista
jarduera guzti horietan
eta Kantabria lurralde gonbidatua.

Ondarearen Europako Jardunaldien
25. edizio honetan partaide dira
160 entitate, hala nola museoak,
udalak eta kultura-erakundeak.

Jardunaldietan zehar egingo diren
jarduerak dira: bisita gidatuak,
tailerrak, erakusketak, ikuskizunak
eta adin guztietako pertsonentzako
beste jarduera batzuk.

Jarduera horiei esker, herritarrek
ondare arkitektonikoaren balioa
ezagutu ahal izango dute
hainbat lekutatik eta ikuspuntutatik.

Jarduerak ospatuko diren tokiak
izango dira baserri tradizionaletatik
industria ondarearen
adibideak ikus daitezkeen
hiriko auzoetara eta espazioetara arte.

Gainera, Bizkaiko Foru Jauregiak
bisitak eskainiko ditu
eraikinaren historia eta arkitektura
barrutik ezagutarazteko.

Berritasun gisa, aurten Jardunaldiek
lurralde gonbidatua dute.
Lurralde hau Kantabria da
eta hainbat jardueratako protagonista da. 

Goza daitezkeen jarduera nagusien artean
batzuk dira:

Tailerrak:

• Abanto Zierbena.
  Marrazki eta zurezko arotzeriako tailerra.
• Getxo.
  Arkitektura-ondarea irudikatzeko
  3D inprimaketa.
• Elorrio.
  Teilak sortzea, umeentzako.
• Trapagaran.
  Arkitektura-maketak egitea.

Bisita gidatuak:

• Artea.
  Bisita musikalizatua.
• Aulesti.
  Malaxerara ibilbide gidatua.
• Balmaseda.
  Tokiko arkitektura ezagutzeko
  gaueko bisita.
• Barakaldon.
  Ibilbidea langileen etxebizitzetatik.

Hitzaldiak eta solasaldiak:

• Muskiz.
  Kantauri itsasoko ertzeko burdin lanaren
  arkitekturari buruzko hitzaldiak.
• Portugalete.
  Arkitektura- eta kultura-ondareari
  buruzko hitzaldia.
• Zaldibar.
  Historia eta musika lotzen dituen
  ondarea ezagutzeko hitzaldia.
• Bilbon.
  "Klasikoak berreraikitzen" zikloak
  arkitekturaren mende bat
  baino gehiago aztertzeko,
  Foru Liburutegian.

Kultura-ikuskizunak eta -jarduerak:

• Erandio.
  Dantza, musika eta antzerkia
  lotzen dituen "Erandio" ikuskizuna.
• Getxo.
  Musika-irakurketak eta Begoñako puntatik
  zuzenean egingo den irratsaioa.

Ondarearen Europako Jardunaldien
egitarau osoa eta jardueretan
tokiak erreserbatzeko sistema
www.ondareabizkaia.eus
webgunean daude eskuragarri.

Hiztegia:

Ondare arkitektonikoa: interes historikoagatik,
artistikoagatik, sozialagatik edo teknikoagatik
gizarte batek baliotsu gisa aitortzen dituen
eraikin, monumentu eta kale multzoa.

Industria ondarea: lantegiak
eta materialak biltegiratzeko biltegiak
bezalako eraikinen diseinua.

3D inprimaketa: 3 dimentsiotako
(luzera, altuera eta zabalera) objektuak sortzea.
Geruzaz geruza egiten dira, hainbat materialez.