2024(e)ko azaroakren 27(a) 18:37

Bere historian lehen aldiz, Fitchek Bizkaiak subiranoaren gainetik duen finantza-indarra nabarmentzen du txosten berezi batean

Ogasuna eta Finantzetako Saila

Estatu Batuetako kreditu-kalifikaziorako agentziak gaur argitaratutako txostenean, Bizkaiko Foru Aldundiaren zerga-autonomia eta finantza-indarra nabarmentzen dira funtsezko elementu gisa, Bizkaiko Lurralde Historikoaren kalifikazioak estatuaren kalifikazioen gainetik egon daitezen. Egon badaude eta.

Txosten berezia da zerga-araubide berezia eta Espainiako subiranoaren gainetik dagoen kalifikazio bat kontuan hartzeko baldintzak dituzten eskualdeetako, tokiko eta lurralde historikoetako gobernuentzat.

Bere historian lehen aldiz, kreditu-kalifikaziorako agentzia estatubatuarrak txosten luze bat egin du, Bizkaiko Foru Aldundiaren kalifikazioak estatuaren kalifikazioen gainetik zergatik egon daitezkeen justifikatzeko. Makro txosten horretan hainbat gai aztertzen dira, hala nola administrazioen finantza-profilaren ebaluazioa, profil sozioekonomikoak, diru-sarrera solidoen iturriak, gastuaren gaineko presioa, zorra, likidezia edo perspektiba ekonomikoak.

Txosten luze batean, Carlos López Fitch Ratings-eko analista seniorrak honako hau ondorioztatzen du: Euskal Autonomia Erkidegoaren konstituzio-bermeek eta zerga-autonomiak finantza-indar bakarra nabarmentzen dute, eta, horri esker, nazio-subiranoak baino kreditu-kalifikazio handiagoa izan dezake.

AA- kalifikazioarekin, Bizkaiko Foru Aldundia Fitch Ratings kreditu-agentziak administrazioen kaudimena ebaluatzeko ezartzen dituen 20 mailetatik laugarren mailan dago gaur egun. Kalifikazio horrek Bizkaiko Lurralde Historikoa Euskal Autonomia Erkidegoarena (A) baino bi maila gorago jartzen du, eta Espainiakoa (A-) baino hiru maila gorago, estatu subiranoa zazpigarrenean kokatuta baitago.

itzuli albiste guztietara