Bizkaiko Foru Aldundiak kiroleko pertsonal teknikoa prestatzeko bekak eskatzeko epea ireki du. Beka hauek 2025eko irailaren 12tik 2026ko irailaren 11ra bitartean kirol-prestakuntza gainditu duten profesionalei zuzenduta daude.

175.000 euroko inbertsioarekin foru erakundeak zati batean finantzatu nahi ditu sarrera-probako matrikula-gastuak eta kirol-irakaskuntzak, araubide berezikoak zein aldi iragankorrekoak. Ekimenean, gainera, eskola-kiroleko begirale laguntzaileen irakaskuntzak sartzen dira, baldin eta irakaskuntza horiek aipatutako aldian gainditu badira.

Beka hauen helburu nagusia Bizkaiko Lurralde Historikoko kirol-klub eta -elkarteetako pertsonal teknikoaren prestakuntza-maila hobetzea da eta, horrela, tokiko kirolarien errendimendu hoberena lortzen laguntzea. Halaber erakundeak kiroleko pertsonal teknikoaren, bakoitzak bere jardun-eremuan, prestakuntza eta kualifikazioa sustatu nahi ditu Bizkaiko kirol-sistema hobetzeko.

Azpimarratzekoa izan da deialdi honek azken zazpi urte hauetan izan duen bilakaera, hasierako 30.000 euroak gaur egun 175.000 euro bihurtu direlako; era berean, eskabideen kopuruari dagokionez, kontuan hartu behar da lehen urteko 33 eskaerekin alderatuta 2024-2025 denboraldian 796 eskaera aurkeztu zirela.

Beka-eskabideak 2026ko urtarrilaren 19tik 2026ko irailaren 22ra bitartean izapidetu ahal izango dira Bizkaiko Foru Aldundiaren egoitza elektronikoaren bidez (www.ebizkaia.eus).