Araudia

Itzuli Tutoretzak orrira

Ebakuazio ibilbideetan kokatutako ateak

  1. Solairuko edo eraikineko irteera moduan ezarritako ateak eta 50 pertsonatik gora ebakuatzeko ezarritakoak zabukariak izango dira, biraketa-ardatz bertikalarekin, eta itxiera-sistemak ez du jardungo ebakuatzeko inguruetan jarduera dagoen bitartean edo irekitze erraz eta azkarreko gailua izango da, ebakuazioa zein aldetatik egin behar den kontuan hartuta; ez da giltzik erabili beharko eta ez da mekanismo bat baino gehiago martxan jarri beharko.
  2. Aurreko betekizun formala helduleku edo sakagailu bidezko irekitze-gailuek betetzen dutela jotzen da, UNE-EN 179:2003 VC1 arauarekin bat etorriz, aipatutako atea ezagutzen duten pertsonek okupatutako inguruen ebakuazioa egin behar denean, baita bultzatzeko edo irristatzeko barra horizontala dutenak ere, UNE EN 1125:2003 VC1 arauaren arabera, alderantzizko kasuan .
  3. Irteera-ate guztiak ebakuazioaren noranzkoan irekiko dira:
    • 200 pertsona baino gehiago igarotzeko ezarria egoitza-etxebizitza erabilerako eraikinetan, edo 100 pertsona igarotzeko gainerako kasuetan, edo
    • atea zein espazio edo esparrutan kokatuta egon eta bertako 50 okupatzaileentzat ezarria .
    Lehen eta bigarren puntuetan adierazitako pertsona kopurua zehazteko idatz zati honetako 4. atalean ezarritako okupatzaileak esleitzeko irizpideak kontuan hartu beharko dira
  4. Ate birakariak daudenean, horien alboan eskuz irekitzeko ate zabukariak jarri behar dira, salbu eta birakariak automatikoak direnean eta ateek ebakuazioaren noranzkoan irekitzeko sistema dutenean, baita elektrizitate-hornikuntzak huts egiten duenean ere, 14 kg baino indar gehiago aplikatu gabe. Mota horretako ateen eta bira automatiko ateen zabalera erabilgarria ezarritako ebakuazio guztiaren araberakoa izango da.
  5. Irekitze automatikoa duten ateek sistema bat izan behar dute, irekitze-mekanismoak edo energia-hornikuntzak huts eginez gero atea irekitzeko edo atea itxi dadin saihesteko, eta ateak zabukariak direnean, eskuz ireki ahal izateko. Sistema hori ez badago, eskuz irekitzeko ate zabukariak jarri behar dira, eta aurreko paragrafoan zehaztutako baldintzak bete behar dituzte.