Sortzez Garbiarena aipagarrienetakoa da Euskal Herriko zutabe-elizetan, eta ez haren araztasunagatik, azaltzen digun monumentu-taxueragatik baizik. Esan behar dugu ezen azken emaitza ezustekoa gertatu zela, zeren obren geldotasuna zela bide –mende oso bat lanean–, jauretxe gotiko legez taxutu zen hasierako proiektua eredu errenazentistarantz lerratu baitzen. Elizaren oin-planoak hiru nabe ditu. Silarrizko hormak eta gurutze-gangaren tarteei eusten dieten lau zutabe garai-garaiak dira elizaren eraikintzako elementurik bitxienak. Hagitz interesgarriak dira, baita, korua, bi atariak eta dorrea, zeramikazko koloretako apaingarriak dituena, andaluziar eredura. Barruan aipatzeko modukoak dira erretaula nagusiaren multzoa eta alboko erretaulak, Bizkaia osoan rococo faseko barrokoan ditugun eredurik ikusgarrienak.

Gernikako Arbola Plazan, hirigunearen erdian.

Sortzez Garbiaren eliza

9.00etatik 13.00etara eta 16.00etatik 19.00etara.

---

Estekak

Itzuli