Informazioaren xehetasuna

Museoa garaian Bilboko Medikuntza Zientzien Akademiako Lehendakaria zen Jose Luis Goti Iturriaga doktoreak bultzatutako proiektu biltzailetik sortu zen 1974. urtean.

1979. urtetik UPV/EHU unibertsitatean, Leioako Campus-ean, du bere egoitza. Bertan lau erakustareto ditu Medikuntza eta Odontologia Fakultateko eraikinean, Dekanatotik gertu eta besteak, 19 areto gehiago, Liburutegi Nagusian bisita daitezke. Museoaren ondarea, gutxigorabehera, katalogatutako 8.000 aparailu eta tresnek eta 7.000 inguru liburuk osatzen dute.

Kardiologia, oftalmologia, erradiologian, besteak beste, hau da, medikuntza arlo desberdinetan trebatzeko eta ikertzeko materialak erakusten dira, 23 aretotan banatutako 1520 metro karratuko espazioan. Baita aintzinako instalakuntzak ere ikus daitezke, aspaldiko kirofanoa, bulegoa eta laborategia hain zuzen. Guzti honen osagarria den agiri eta ikonografi bilduma bat ere aurki daiteke bertan.