Kurutziagako gurutzea
Argazkiak
Laburpena
Kurutziagako gurutzea aparteko pieza da bere neurriengatik eta bere egituraren kalitatearengatik, baita Durango hirian Berant Erdi Aroan izan zukeen esangurarengatik. Hareharri ilunean zizelatuta dago, 4,30 metro gora da eta hainbat eszena agertzen dira bertan. Mastan kiribilduta dago Paradisuko sugea, emakumearen buruarekin, eta hurrengo elementuetan irudikatuta agertzen dira Ongiaren eta Gaizkiaren arbola, Paradisutiko kanporaketa, Ebaren tentazioa eta Adanen bekatua eta apostolutza osoa. Hala ere, goiko aldea da garrantzirik eta kalitaterik handiena duena. Bertan irudikatuta agertzen dira Paradisua, Kalbarioa, estilizazio begetalak, instrumentuak jotzen ari diren aingeruak eta aparteko irudi bat: Eguzkia eta Ilargia agertzen diren bi ezkuturen Gurutziltzaketa gaineko presentzia, Erdi Aroko artean arraroa ez zen irudi paganoa. Baina beronek bertan aparteko garrantzia harturik du, Kristoren sakrifizioarekin zuzenean lotuta baitago.
Sarbidea
Durangoko alde zaharraren ondoan, Andra Maria elizatik oso hurbil.
Helbidea
Kurutziaga kalean.