Abadiñoko eliza arkitektura klasikoaren eredu garbia da, Euskal Herrian XVIII. mendean sakonkiro errotu zena. Ignacio Iberoren lana izaki, San Trokazen ezaugarririk behinenak ez dira ekarpen berrizaleak, baizik eta proiektuaren monumentu-taxuera eta eraikintzaren arloan duen kalitatea, batez ere egiturazko piezetan, silarrizko obra gordin eta soila erakusten baitute. Eliza, eredu errenazentista duena, zenbait elementu batzearen emaitza da: ontzia, jauretxea, sakristia, dorrea eta hegoaldeko alboan ate nagusia babesten duen elizpea. Elizako altzariek ez dute inondik ere arkitekturaren kalitatea erakusten; hala ere, elizako altzarietan aipagarriak dira XVIII. gizaldiko hiru erretaula rococo, eta sakristian ere zenbait pieza interesgarri ikus ditzakegu.

San Trokaz plaza.

San Trokaz eliza

Egunero, 18:00etatik 19:30etara.

---

Estekak

Itzuli