saltatu edukira

Aldundiaren Logoa
 

Hemen zaude:

AP-8 MHS autobidea: Deskontuak

Informazioa

Salgaiak errepidetik garraiatzeko bakarrik erabiltzen diren I. eta II. motetako ibilgailu astunetarako, jarraian adierazi diren deskontuak ezarri dira. Deskontu horiek ondoriozko tarifaren gainean aplikatuko dira, OBE gailua identifikaziorako eta ordainketarako bide gisa erabiltzen bada; izan ere, horrela doikuntza hilero ordain daiteke OBE gailuari lotutako kontuan: AP8 Galdakao-Gipuzkoako muga tartea eta AP-8 MHS Bilbo-Santurtzi tartea konbinatuz (norabide bakarra) egutegiko hilean gutxienez 20 ostera egiten dituzten ibilgailu astunek AP8 Galdakao-Gipuzkoako muga tartean jasaten dituzten bidesarien %13, baldin eta OBE gailua erabiltzen badute identifikatzeko eta ordaintzeko bi azpiegituretan egun berean (honetan ez dira sartzen 0 tarifako ibilbideak). Aurreko guztia betez gero, deskontua lehenengo urratsetik hasita aplikatuko da.

Bidesariak zein deskontuak aplikatzean ez da kontuan hartuko garraiolariaren nazionalitatea, ez zuzenean, ez zeharka, ez eta haren egoitza zer herrialdetan dagoen, ez ibilgailua non matrikulatuta dagoen, ez ibilgailua nora doan ere. Hori dela eta, ondo azalduko da zerk ematen duen deskontua aplikatzeko eskubidea, denek jakin dezaten.AP-8 Metropoliaren Hegoaldeko Saihesbideko deskontuak (Larraskitu - Santurtzi).

Ibilgailu-motak

ARINAK: Motozikletak, sidekarrarekin zein halakorik gabe. Atoirik gabeko turismoak. Atoidun turismoak, ardatz batean ere gurpil bikoitzik gabe. Mikrobusak, furgoiak eta furgonetak, 2 ardatz eta 4 gurpilekoak. Mikrobusak, furgoiak eta furgonetak, 2 ardatz eta 4 gurpilekoak, atoidunak eta gurpil bikoitzik gabeak.

ASTUNAK I: 2 ardatz eta 4 gurpileko turismoak, gurpil bikoitza duen ardatz bateko atoiarekin. 2 ardatz eta 4 gurpileko furgoi eta furgoneta atoidunak, atoiak gurpil bikidun ardatz bat badu. Gurpil bikoitzeko furgoiak eta furgonetak. 2 ardatzeko kamioiak eta autobusak, ardatz bateko atoiarekin zein halakorik gabe. 3 ardatzeko kamioiak eta autobusak.

ASTUNAK II: 2 ardatz eta 4 gurpileko turismo eta mikrobus atoidunak, atoiak bi ardatz edo gehiago baditu eta gutxienez ardatzetako batek gurpil biki bat badu. 2 ardatz eta 4 gurpileko furgoi eta furgoneta atoidunak, atoiak bi ardatz edo gehiago baditu eta gutxienez ardatzetako batek gurpil biki bat badu. Kamioiak eta autobusak, 4 ardatz edo gehiagoko atoia dutenak edo atoirik ez dutenak.

 
 

e-mailez bidali

 

Erantsitako fitxategiak:


Fitxategi hauek ikusteko Adobe Reader doako programa behar duzu.