saltatu edukira

Aldundiaren Logoa
 

Hemen zaude:

Laguntza psikologikorako zerbitzua

Informazioa

Helburua eta edukia

Tratu txarrak eta eraso sexualak gertatzen direnean, familian esku hartuz laguntza psikologikoa emateko Programak emakumeek, gizonek eta adingabekoek jasandako tratu txarren eta sexu-erasoen ondorioei ekin eta portaera bortitzak aldatu nahi ditu.

Honako hauek dira esku-hartzearen faseak:

  • Diagnostikoa eta balorazioa.
  • Banakako Laguntza Psikologikoa: foru dekretu honen 3. artikuluan deskribatzen diren onuradunei laguntza psikologikoa emateko eta psikoterapiako banakako tratamenduak.
  • Taldeko arreta psikologikoa, biktima heldu eta adingabeei emandako banako arreta psikologikoan esku-hartze osagarria egiteko.
  • Aztertutako kasuen jarraipena.
  • Aztertutako kasuen ebaluazioa.

Emandako laguntza psikologikoa urgentea (hur-hurreko arriskua dagoenean), doakoa eta espezializatua izango da.

Onuradunak

  • Tratu txar fisikoen eta/edo psikikoen eta/edo sexu-erasoen biktima diren emakumeak.
  • Tratu txar fisikoen eta/edo psikikoen eta/edo sexu-erasoen biktima diren gizonak.
  • Tratu txarrak ematen dituzten pertsonak.
  • Familian bertan edo kanpoan tratu txar fisiko edota psikikoen edota sexu-erasoen biktima diren adingabekoak, Gizarte Ekintza Sailak babespean ez dituenak, baldin eta bi gurasoak edo, bat behintzat, gauza badira zaintza eta babesari edo tutoretzari datxezkion eginbeharrak betetzeko.
  • Tratu txarren edota sexu erasoen biktima direnen senideak (emakumeak eta gizonak) edota hurbileko pertsonak, baldin eta indarkeria egoera horrek eragin dien ezinegonaren ondorioz zeharkako biktima badira.

Sartzeko baldintzak

  • Aurreko idatz-atalean jasotako egoeraren batean egon beharko dira.
  • Bizkaiko Lurralde Historikoan erroldatuta egon beharko dira eta/edo bertan bizi beharko dira.

Programarako sarbidea

Programan zuzenean parte hartu daiteke. Horretarako, aurretik hitzordua eskatu behar da, telefono bidez, Emakumeak Babesteko eta Familiei Laguntzeko Zerbitzuan (Telefonoak: 94.406.62.66 - 94.406.62.72 - 94.608.35.74 - 94.406.69.00).

Non eskaintzen da zerbitzua?

  • Bilbo: egunero, astelehenetik ostiralera; 10:00-14:00 eta 15:00-19:00.
  • Markina-Xemein: astelehen, astearte, asteazken eta ostegunetan; 08:00-15:00.
    Eremua: Lea Artibaiko Mankomunitateko biztanleak (honako udal hauek osatzen dute: Amoroto, Berriatua, Etxebarria, Gizaburuaga, Ispaster, Lekeitio, Markina-Xemein, Mendexa, Ondarroa eta Ziortza-Bolibar), bai eta Aulesti eta Munitibarkoak ere.
  • Zalla: astearte eta ostegunetan; 08:00-15:00.
    Eremua: Enkarterriko Mankomunitateko biztanleak (honako udal hauek osatzen dute: Artzentales, Karrantza Harana/Valle de Carranza, Galdames, Gordexola, Gueñes, Lanestosa, Sopuerta, Trucios-Turtzioz eta Zalla), bai eta Balmasedakoak ere.
  • Ugao-Miraballes: asteazken eta ostgegunetan; 08:00-15:00.
    Eremua: Nerbioi eskualdeko biztanleak (Ugao-Miraballes, Arrankudiaga, Arrigorriaga, Arakaldo, Orozko, Zaratamo eta Zeberioko udalak).
  • Durango: astearteetan, 10:00-14:00 eta 15:00-18:00; asteazken eta ostegunetan, 08:00-15:00.
    Eremua: Durangoko Merinaldearen Amankomunazgoko biztanleak (honako udal hauek osatzen dute: Abadiño, Atxondo, Durango, Elorrio, Iurreta, Izurtza, Mañaria eta Zaldibar), bai eta Garai, Otxandio eta Berrizkoak ere.
  • Gernika-Lumo: astearte eta asteazkenetan; 08:00-15:00.
    Eremua: Busturialdeko biztanleak (Ajangiz, Arratzu, Bermeo, Busturia, Ea, Elantxobe, Ereño, Errigoiti, Forua, Gautegiz Arteaga, Gernika-Lumo, Ibarrangelu, Kortezubi, Mendata, Morga, Mundaka, Murueta, Muxika, Nabarniz eta Sukarrietako udalak).
  • Igorre: astearte, asteazken eta ostegunetan; 08:00-15:00.

Eremua: Arratiako Mankomunitateko biztanleak (honako udal hauek osatzen dute: Arantzazu, Areatza, Artea, Bedia, Dima, Igorre, Lemoa, Ubide eta Zeanuri).

Eskabideak eta aurkeztu beharreko dokumentazioa

Eskabide guztiak inprimaki normalizatuan bete beharko dira.

Interesdunak sinatutako eskabidearekin batera honako agiri hauek aurkeztu beharko dira:

  • NANren, pasaportearen, egoitza txartelaren edo, bestela, eskatzailearen nortasuna egiaztatzeko baliozkoa den beste edozein agiriren fotokopia.
  • Erroldaren ziurtagiria.
  • Laguntza psikologikoa eskatzailearen ardurapean dagoen adingabeko batentzat eskatzen bada, dagokion famili liburuaren eta/edo, bestela, zaintza eta babesa edo tutoretza egiaztatzen duten agirien fotokopia.
  • Babes agindua edo horretarako emandako ebazpen judizialik badago, horren kopia aurkeztu beharko da.
  • Eskatutako betekizunak betetzen direla egiaztatzeko beharrezkotzat jotzen den beste edozein agiri.

Eskabideak eta nahitaezko agiriak Bizkaiko Foru Aldundiko Enplegua, Gizarte Inklusioa eta Berdintasuna Sustatzeko Sailaren erregistroetan aurkez daitezke. Halaber, Herri Administrazio Publikoen Administrazio Prozedura Erkidearen urriaren 1eko 39/2015 Legearen 16. artikuluan aipatzen diren lekuetan.

Informazioa

Bizkaiko Foru Aldundiko Enplegua, Gizarte Inklusioa eta Berdintasuna Sustatzeko Saileko Emakumeak Babesteko eta Familiei Laguntzeko Zerbitzuan.

 
 

e-mailez bidali

 

Erantsitako fitxategiak:


Fitxategi hauek ikusteko Adobe Reader doako programa behar duzu.