saltatu edukira

Aldundiaren Logoa
 
 
 

Bizkaiko Ondare Historikoa

Informazioa

 

San Justoko karobia

Argazkiak
Laburpena

San Justoko karobia Zeanuriko Otsemendi auzunean kokaturik dago, harizti zoragarri baten erdian, Justo eta Pastor santuen ohorez eraikitako baselizaren eta iturri baten ondoan. 1950etik geldirik egon da, baina 1996an berriztatzen eta berreskuratzen hasi zen Ipizki Taldea; horrela, egun, abuztuko lehenengo asteburuetan soilik jartzen da lanean. San Justokoa karobi frantses deritzon erakoa da, hau da, muna aprobetxatuz, maldan eraikita egotea du ezaugarri nagusi. Pixkanaka-pixkanaka estutzen doan zulo bat da, 4 metroko sakonera duena, goiko aldean 150 zentimetroko zabalera eta beheko aldean, berriz, 40ko zentimetroko zabalera dituelarik. Karea lortzeko, egur eta kareharriko aldizkako geruzez betetzen da karobia eta behealdetik pizten da. Ateratzen den karea beheko labe-ahotik jaurtitzen da, harria kiskaltzen den heinean.

Sarbidea

Bilbotik N-240 errepidetik gatozela, Otsemendik auzo-errepidea, Zeanuriko hirigunearen sarreran eskuinaldean dagoena, hartu behar da. Hiru kilometro egindakoan, San Justoko baselizaren aurrean amaitzen da errepide hori. Baselizatik ehun metrora dago karobia.

Helbidea

Otsemendi auzoan.

PDF Dokumentua

San Justoko karobia

Ordutegiak

Kanpoko aldetik ikus daiteke.


Estekak
Itzuli
 
 
 


Euskara, foru liburutegia, gazteria, kirolak, museoak, ondarea...

Bizkaiko Ondare Historikoa

Bizkaiko ondare historikoaren elementu erakargarrienak

 

© Bizkaiko Foru Aldundia - Diputación Foral de Bizkaia