saltatu edukira

Aldundiaren Logoa
 
 
 

Bizkaiko Ondare Historikoa

Informazioa

 

Hilerria

Argazkiak
Laburpena

Dimako hilerriak eguzki aldera eta haranera begira eta maldan dagoen gune zabala du. Terrazak osatzen ditu lurrak eta hilobiak –zulo erakoak dira - terraza horietan daude eginda. Sarrera eta kapera lotzen dituen eta terraza-eraketa horretan zehar joan ahal izateko eskailerak tartekatzen dituen erdiko kale batek bi erditan banatzen du hilerria. Horrela, bi elementu nagusi nabarmendu behar dira: beheko aldean dagoen atea edo sarbidea, eta goiko aldean eraiki zen kapera. Garaipen-arku ateburuduna da sarrera, pausu bakarrekoa, inguruan pilastra kuxinduradunak dituena, bai eta friso laua eta Golgota mailakatu baten gaineko gurutzea ere. Dena dago kareharrizko silarri urdinez eginda, estilo neoklasiko soilean. Klasizismoaren adibide are bikainagoa dugu kapera. Aurreko aldeko fatxada, tenplu greko baten imitazioa da, ordena doriar erromatarraren tetrastiloa, Bizkaian garai bereko beste nekropoli batzuek izan zuten batzuenaren antzekoa. Cristóbal de Bernaola akademikoaren lana dugu Dimako hilerria, 1841ekoa alegia.

Sarbidea

Barazarreko mendatetik igarota, Bilbotik Gasteizera doan errepidetik abiatuta hel daiteke Dimara. Igorre herrira heltzen garenean, ezkerretara doan bide bat hartu behar da. Dimara iritsita, parrokia-elizaren ondoan aurkituko dugu hilerria.

Helbidea

Elexalden, z/g.

PDF Dokumentua

Hilerria

Ordutegiak

Zabalik egoten da.


Estekak
Itzuli
 
 
 


Euskara, foru liburutegia, gazteria, kirolak, museoak, ondarea...

Bizkaiko Ondare Historikoa

Bizkaiko ondare historikoaren elementu erakargarrienak

 

© Bizkaiko Foru Aldundia - Diputación Foral de Bizkaia