saltatu edukira

Aldundiaren Logoa
 
 

Hemen zaude:

Zahartze Aktiboa

Informazioa

Bizitza osasungarria eta parte-hartzailea izateko gakoak

Hartu emanak elkarteak, beste elkarte batzuekin lankidetzan, antolatu du ikastaro hau. Hiru gai-esparru jorratuko dira: ahalduntzea, osasuna, eta adinekoen partaidetza soziala. HOGEI saio, astean bat. Astearteetan, 18:00etatik 20:00etara. Matrikulazioa (plaza mugatuak): Urtarrilaren 15etik aurrera Hartu-emanak elkartearen egoitzan, Erronda kalea z.g, Bolunta – 3. solairua. Prezioa: 20 euro (ikastaro osoa).

Bidali testu, argazki edo bideoak eta kontatu zure esperientzia, zaletasun, oroitzapen eta iritziak… Horretarako, inprimaki hau erabili, edo zuzenean Generakzioa postontzia. Animatu eta parte hartu!.

2018/11/18Bakardadearen kontrako ingurune lagunkoi hori

Ekimen lagunkoien sarea ez da kontzeptu hutsa Euskadin. Zahartze aktiboaren paradigmaren pean, herritarrez arduratzen diren euskal udalerrien kopuruak gora egiten du etengabe, eta denek ondorio bera ateratzen dute: auzoetako espazio fisikoek gero eta garrantzi handiagoa dute; izan ere, hiri-diseinuaren lagunkoitasunak eta partaidetza komunitarioa sustatzeak adinekoen bizitza aktiboa luzatzen du.

2018/11/09Adineko emakumeek gutxiago salatzen dute genero-indarkeria

Adineko emakumeek jasaten edo jasan duten genero-indarkeria ezkutuko errealitatea da, eta oraindik emakume horien lepo dagoen mendekotasun ekonomikoak eta familia-unitatearen zaintzaile- eta bermatzaile-rolak errealitate hori okertzen du. Adineko emakumeak egoera bereziki zaurgarrian daude. «Emakume asko bizitza osoan zehar bizi izan dira tratu txarrak ematen dizkieten pertsonekin, eta oztopo askori aurre egin behar dizkiote», azaldu du Familia Elkarteen Batasuneko presidenteak.